ORMOC CITY – Kompiskado ang kapin sa three hundred thousand pesos (PHP 374,000.00) base sa market value sa gidudahang shabu gikan sa duha ka suspitsado human sa gipahigayon nga buy-bust operation didto sa Purok Violeta, Brgy. North (Brgy. District 29), niadtong Pebrero 1, mga alas onse pasado sa tungang gabii (11:05PM) .
Ang mga nadakpan giila sa kapolisan nga sila si Gregorio G. Oliverio y Galicia, 55 anyos, og Christopher Oliverio y Galicia, 39 anyos. Pareho silang residenti sa Purok Violeta, Brgy. North, Ormoc City; ug listado isip mga HVT o naa sa High Value Target sa Regional PNP.
Sa report naka palit ang poseur buyer ug balor sa usa ka libo ka pesos (PHP 1,000.00) nga drogas gikan sa 55 anyos nga suspek. Niabot sa pito (7) ka pakete sa gidudahang shabu ug ni timbang sa 55 gramos. Nakuhaan usab sila ug uban pang paraphernalia kontra illegal nga drogas.
Matud pa kanhi nang nadakpan ang duha sa mao gihapon nga salaod. Karon kasong paglapas sa RA 9165 o Comprehensive Dangerous Drugs Act of 2002 ang tulobagon sa uyoan og pag umangkon nga suspek. Kasamtangang gi tanggong na ang duha sa custodial facility sa Police Station-1 ning dakbayan.
Ang operasyon gilangkuban sa personnel nga sakop sa PNP PDEG SOU8, PIT-Leyte, RIU 8, RID 8, AKG 8, RDEU 8, CDEU OCPO, PNP-OCPO PS1, SOU8 kauban ang PDEA RO8. Ni Josie Sersena (EV Mail Jan. 29-Feb. 4, 2024 issue)
