TACLOBAN CITY – Usa ka miembro sa Communist Terrorist Group (CTG) sulod sa YAKAL Platoon nga nag lihok sa mga sa Probinsya sa Leyte, nga sakop sa Sub-Regional Committee (SRC), ang boluntaryong ni surrender.
Nag turn over pod kini ug firearm ngadto sa Leyte PPO sa 2nd LPMFC Headquarters, Brgy. Cristina, Calubian, Leyte, niadtong January 30, 2024.
Base sa report ngadto kang PCOL Erwin I. Portillo, Provincial Director, ang surrenderee gi butyag nga alias “Kyle,” 34 anyos. Matud pa nga nakumbinsi siya sa pag apil sa nasangpit nga grupo sa pag tuo nga dunay reporma sa gobierno ug makab-ot nga giingong “equal rights” ug malikayan ang mga pag tratar o ang gitawag nga “social injustice.”
Sa intelligence report ug trackers sa 2nd Leyte Provincial Mobile Force Company nga gipangulohan ni PLTCOL Recaredo S. Marasigan, Force Commander and Intel Tracker, kauban ang Leyte Municipal Police Station personnel maoy nag pasiugda sa pag surrender ni “Kyle.” Gi tahan niya ang usa ka (1) unit sa .38 cal. nga armas. Ingon man usab ang napolo (10) ka rounds sa ammunition.
Dugang pa nga ang maong surrenderee kasamtangang naa sa kustodiya sa 2nd LPMFC aron e proceso ug uban pang dokumentasyon alang sa posibilidad nga ma sulod kini sa programa sa gobierno ubos sa E-CLIP program.
Ang Leyte Police nag pa hugot pa karon sa kampanya aron pakig batokan ang problema sa insurgensiya og terrorismo. Sa pag panigurado usab alang sa probisyon sa “social services, employment opportunities, and improved quality of life in communities thru the implementation of Executive Order No. 70 (NTF-ELCAC).”
Si PCOL Portillo sa maka usa pa nanawagan sa mga kaigsuonan nga nakig bisog pa sa armas nga mobalik sa sabakan sa balaod ug mag sugod sa kinabuhing malinawon kauban sa ilang pamilya.
Nanawagan usab sa katawhan ang autoridad nga makig koordinasyon direkta kanila kon dunay gustong ipaabot nga kasayoran o bisan pangutana pinaagi sa Provincial Community Affairs and Development Unit (PCADU) sa mobile number 0998-598-6477 o sa social media accounts nga; Facebook Account: Pulis Leyte; or Facebook Page: Leyte Police Provincial Office. Ni Josie Sersena (EV Mail Jan. 29-Feb. 4, 2024 issue)
