ORMOC CITY – Usa ka suicide incident ang napatik sa Police Station-4 diin ang biktima giila nga si Harold Magalona y Cavanado, 23 anyos, olitaw og estudyanti sa kolihiyo.
Napalgan kini sa iyang manghod nga nag bitay og wala nay kinabuhi didto sa ilang pinoy-anan sa Block 11, Brgy. San Isidro, Ormoc City mga alas 6:40 sa gabii niadtong Septiembre 6. Usa ka electrical wire, mga kapin sa upat ka metros ang gitas-on, maoy gigamit sa biktima pag bitay sa kaugalingon hinungdan sa iyang kamatayon.
Sa inisyal nga report base usab sa imbistigador sa kaso nasayran nga katapusan siyang nakit-an nga buhi mga alas onse sa gabii sa Septiembre 5. Gibutyag usab sa igsuon nga nagka problema ang biktima sa iyang hinigugma; og possibly mao kini ang rason sa iyang paghikog.
Samtang niluwat og pamahayag ang taga Scene of the Crime Operatives (SOCO) nga nisusi sa patayng lawas ni Magalona, nga walay “foul play” nga nahitabo sa kamatayon sa estudyanti.
Padayon pang giimbistigahan ang nasangpit nga insidenti sa kapolisan sa Police Station-4. Ni Josie Sersena (EV Mail September 5-11, 2022 issue)
