ORMOC CITY – Sa mosonod nga mga buwan mag sugod na ang election season alang sa umaabot nga pinilia-ay sa barangay nga gitakda sa Oktobre 30 ning tuiga.
Usa kini sa mga butang nga nahisgutan og gipangutana kang Senador Imee Marcos atul sa Press Conference sa pag bisita niya sa Ormoc niadtong Junyo 23.
Gikompirma niya nga madayon na gyod kini og di na ma uswag pa, sanglit maka daghan na gi postpone ang orihinal nga skedul sa barangay election. Siya ang nag pasiugda sa mga extension pero karon dili na gyud pwedi, matud pa ni Marcos.
Hinuon matud sa Senadora nga imbis mag extension mas maayo pa og e lansang sa unom ka tuig kada termino sa mga Barangay Officials. “E pirmi na sa six years” pero kinahanglan kining estudyohan pag maayo; ug bisitahon ang mga probisyon sa balaod, dugang pa niini.
Sa laing bahin duna pa siyay suhestyon para sa mga Sangguniang Kabataan (SK) nga imbis tibuok pederasyon, kon mahimo usa nalang ka representanti sa konseho nga modala sa ngalan sa kabatan-onan. Kay ang reyalidad daghang lugar nga dili organisado ang SK Members ug daghang higayon nga “not functional”, kay ang uban wala na aktwal nga nagpuyo o kaha mga estudyanti pa.
Nasubo lang si Senadora Marcos nga may mga lugar labi na sa Mindanao nga bayolenti ang natad sa piniliay. Labihan na pod ka politikal ang Barangay apil na ang SK election, nga unta dili moanib sa unsa mang partido; tungod kay ang katuyoan diha sa barangay maoman ang gitawag nga “community development,” panapos pa niini. Labaw sa tanan sayod usab siya nga bisan sa Barangay og SK election padaghanay sa kaliwat ang pag daog ug angkonon man o dili daghan nang kaso sa vote-buying. Ni Josie Sersena (EV Mail June 19-25, 2023 issue)
