KANANGA, LEYTE – Gipa ubos og pag bansay ang 60 ka mga batan-ong lalaki og babayi nga gilangkuban sa mga estudyanti, out-of-school youth, og miembro sa Sangguniang Kabataan gikan sa nagka lainlaing barangay sa Municipalidad sa Kananga.
Mao kini ang Youth Leadership Summit (YLS) nga gipahigayon sulod sa 93rd Infantry Battalion Headquarters, Brgy. Aguiting, Kananga, Leyte.
Ang mga partisipante nagpabilin sa kampo sulod sa tolo ka adlaw (June 16-18) tungod sa Youth Summit for Peace and Development 2023. Sa unang adlaw, bisita nila si Kananga Vice Mayor Miguel Tan kinsa nihatag sa mensahi nga gihatagan og gibug-aton ang ka importanti sa usa ka disiplinado nga lider. Ang tema niining tuiga nag libot sa, “Building Bridges: Empowering youth for sustainable peace and development.”
Si LTC Arnold D. Lozano sa pakig pulong nidayig sa pag tubag sa mga batan-on para sa nasangpit nga kalihukan. Matud pa niya ang YLS nahimong oportunidad para masinati sa kabatan-onan ang tinuod nga kinabuhi matag adlaw sa kasundalohan. Higayon pod kini nga ipakita sa 93rd IB ang mga kagamitan dili lang sa armas, apan ang para sa disaster o kon maka sinati sa kalamidad. Tuyo usab niini nga mutohop ang ka mahinungdanon sa matag aktibidad sanglit sila man ang mga lideres sa umaabot nga generasyon.
Samtang sa pagtapos sa tolo ka adlaw nga aktibidad pinasidunggang dinapit si BGen Perfecto Peñaredondo, ang Kumander sa JTG Tandaya. Kinsa nagkanayon nga “Continue building bridges and cross that bridges and share what we have, our talents, abilities, time and effort to bridge the gap between reality and ideal.”Nag malamposon ang Youth Leadership Summit tungod sa suporta usab sa LGU sa pag panguna ni Mayor Manuel Vicente Torres, mga personnel sa 93rd IB ug nagka daiyang ahensya sa gobierno. Ni Josie Sersena (EV Mail June 19-25, 2023 issue)
