ORMOC CITY – Maporky nga kahigayonan para sa mga mamerkado alang sa pamilya o pang karenderia man nga konsumo kay abli na ang ika duhang branch sa The Pork Shop sa Virginia Farms ning ciudad.
Sayon ra kini toltolon kay duol ra sa merakdo publiko sa Ormoc partikular sa Juan Luna Street sakop sa Brgy. District 2.
Nobiembre 28 sa hapon dihang gipahigayon ang blessing pinaagi ni Rev. Fr. Gerard San Gabriel. Si Manzel Vince Montejo og Maribel Montejo, ang The Pork Shop Franchisees, maoy personal nga ni abi-abi sa mga customers atul sa opening day.
Niduyog sa okasyon ang taga Virginia Farms nga gipangulohan nila Kathleen Chiu (Sales & Marketing Manager), Monina Kadchao (Sales & Marketing Asst. Manager), ug Vania Lim (Marketing Specialist).
Bisita usab si Ormoc City Councilor Perok Rodriguez nga maoy nanguna sa ribbon-cutting. Kini na ang ika duhang branch sa The Pork Shop dinhi sa Ormoc (ang usa naa sa Brgy. Punta), ug upat (4) na sa Eastern Visayas (Naval-Biliran og Tacloban City). Ilang gitanyag ang 100% nga “fresh and clean quality local pork”, kon presko, limpyo og barato. Ni Josie Sersena (EV Mail November 28-December 4, 2022 issue)
