ORMOC CITY – Arestado sa buy-bust operation niadtong Nobiembre 26 pasado alas dose sa kadlawon (12:40AM) didto sa Brgy. Macabug ning dakbayan ang delivery rider nga si Reynaldo Banzon y Silvestre, aka “Ido”, 27 anyos, olitaw nga taga Brgy. Can-adieng, Ormoc City.
Ang mga operatiba sa SOU 8 PNP DEG maoy lead unit sa maong operasyon nga gipangulohan ni PLT Jose Rodel Villaruel, sa superbisyon ni PLTCOL Angelica Starlight Rivera, OIC, SOU 8 kauban ang taga PDEA Regional Office 8, RID, Police Station-6 personnel og CDEU sa Ormoc City Police Office (OCPO).
Ang buy-bust operation ni resulta sa pagka sikop kang alyas “Ido” alang sa kasong paglapas sa Section 5, Article II sa Republic Act 9165. Nakuha usab gikan kaniya ang usa (1) ka small-sized transparent heat-sealed plastic nga may sulod nga white crystalline substance o gidudahang shabu nga maoy gipalit sa poseur buyer.
Dugang pang mga ebedinsya mao ang duha (2) ka medium size nga transparent plastic sulod ang gituhuang shabu, usa (1) ka large size nga paketi sa gidudahang shabu. Lakip na ang Pag-ibig ID, sling bag, single nga motor, cellphone og ang tibuok usa ka libo ngs kwarta (buy-bust money).
Ang total sa nakompiska nitimbang og kapin kon kulang sa kinse (15) gramos ug base sa Standard Drug Price nag kantidad kini sa one hundred two thousand pesos (PHP 102,000.00). Ang suspitsado gipasabot sa iyang katungod sa pinolongan nga paborable kaniya. Dayon gidala siya sa pasilidad sa Police Station-6 alang sa dokumentasyon og ubang paga himuon nga proceso sa kaso. Ni Josie Sersena (EV Mail November 28-December 4, 2022 issue)
