KANANGA, LEYTE – Usa ka tinun-an ang namatay dihang nabanggaan ang gisakyan na badja (motorcycle) sa depasaheroan nga van.
Ang disgrasya nahitabo sa highway sakop sa Brgy. Naghalin ning lungsod, mga alas tres ang takna sa hapon niadtong Inero 6, 2023.
Ang biktima giila nga usa ka Hennie Rose Patagoc, 14 anyos, estudyanti og residenti sa KM 17, Brgy. Naghalin.
Base sa taho nga gikan sa Ormoc nagbyahi paingon sa Kananga proper ang van for hire nga may plaka nga 084410 nga gi maneho ni James Philip Polancos, 35, minyo ug taga Poblacion, Kananga, Leyte.
Matud pa kusog kaayo ang uwan niadtong higayona sanglit dili klaro ang dalan og nagtuo ang driver nga may tawo nga nitabok, diin giaplayan dayon niya og brake. Apan nituyok ang sakyanan og nibangga sa badja nga nag dagan sa pikas linya sa karsada. Sakay niini ang namatay nga biktima og ang upat pa ka pasahero nga naangol.
Pagka human nabanggaan pa sa van ang naka parada nga single nga motor ug nalahos pa sa tindahan diin didto naigo ang mga nipasilong o nakaangol pa og laing lima ka tawo. Pinaagi sa nirespondi nga Kananga Rescue Team daling nadala ang mga biktima sa hospital sa lungsod. Samtang gidala ang driver sa van sa kwerpo sa kapolisan sa Kananga. Rason pa sa maong disgrasya ang ka hanap sa dalan og kadangog sa karsada tungod sa walay hunong og kusog nga pag uwan. Ni Josie Sersena (EV Mail January 9-15, 2023 issue)
