KANANGA, LEYTE – Gipasiugdahan sa mga kompaniya sa EDC og HEAD ang launching sa 100% electric vehicle niadtong Deciembre 9. Ang ribbon-cutting og ceremonyas didto gipahigayon sa TGPP parking area sa Brgy. Lim-ao, Kananga, Leyte.
Girepresentahan ang duha ka korporasyon sa mga kadagkuan niini sama nila Jun Pialago, Gloria Amboy, ug Erwin Magallanes sa habig sa EDC og George Hong ug William Hong, HEAD, Business Development Vice President.
Kini ang pinaka una sa tanang Energy Development Corporation (EDC) site og pinaka primiro sa Leyte. Para sa EDC nag representar kini sa “past, present ug future.”
Automatic og low cost ang maintenance niini, dunay moderno nga kagamitan sa technolohiya sa mga sakyanan apil ang 360 degrees camera, paspas modagan; labaw sa tanan “powered by geothermal power, 100% renewable energy.” Dili gamit ang gasolina kay e-charge lang ang baterya sa charging station nga nahimotang ra usab didto sa ilang parking area busa minos polusyon. Gihulagway ni Gloria Amboy kauban sa mga pasaherong nanakay pag testing nga “super light and silent,” walay madungog nga kabanha gikan sa makina samtang nag byahi. Gani sa umaabot nga panahon plano sa EDC nga magamit og electric bus alang sa mga empleyado gikan sa Ormoc paingon sa “site.” Butangan na pod nila sa susamang matang sa sakyanan ang ubang EDC project sites. Ni Josie Sersena (EV Mail December 12-18, 2022 issue)
