ORMOC CITY – Nag pahigayon ang LEYECO V sa regular nga pag pili sa Board Director alang sa District II o sa Ormoc South niadtong Sabado, Septiembre 17, didto sa Ormoc City Central School ning dakbayan.
Unom ka voting precincts ang gibuksan aron maka botar ang mga miembro tag konsumo sa LEYECO V nga sakop sa nahisgutang Distrito.
Ang resulta ni gawas nga mananaog si Maximo “Max” Torcende nga naka kuha og total nga 936 votes. Samtang ang duha niya ka kaatbang sa pwesto nga sila si Edgardo Alburo dunay 397 botos ug Jose Sacay nga may 257 ka botos.
Si Torcende usa ka kanhi empleyado sa LEYECO V og niritero na kini una ni kandidato pagka Board Director. Giproklamar siya human sa canvassing pinaagi sa District Election Committee (DECOM) pinangulohan ni Maria Cristina Pameniano, inubanan nila ni Mylane Barquera, Secretary, ug Marilyn Tagalog, Member. Ni Josie Sersena (EV Mail September 19-25, 2022 issue)
