ALBUERA, LEYTE – Imbis mo tabang pag bantay sa bul-og sa katawhan sa pam publikong siminteryo, o kaha mag obserba sa okasyon sa Kalag-Kalag niadtong Nobiembre 2, didto nadakpan sa tari-an sa Brgy. Antipolo ang tanod nga si Ramonito Lazarte y Blanza, 44 anyos.
Kaubang nasikop sila si Isidro Onting y Del Campo, 28, laborer, Jobert Cadiong y Pastidio, 22, helper, Reynaldo Cadiong y Roa, 42, helper; polos sila molopyo sa Brgy. Antipolo.
Sa Police Report “in flagrante delicto” o naaktohan sila nga nag tari-tari mga alas dos pasado sa hapon (2:15) sa nahisgutang lugar og petsa. Pahayag sa autoridad nga kompyansa ang mga sugarol kay busy ang kapolisan sa implementasyon kalabot sa okasyon, og wa nila damha nga maabot didto sa hilit nga dapit sama sa Barangay Antipolo.
Nakuha sa ilang posisyon og gamiton nga mga ebedinsya ang tolo (3) ka buhing pangsabong nga manok, usa niini ang Talisayon kolor og klase; usa pod ka sunoy nga patay na ang apil sa narekober. Nitotal kini sa four thousand pesos (PHP 4,000) ang kantidad sa mga manok.
Nakuha pod ang tari (gaff) sa manok og ang pusta nga three hundred pesos (PHP 300). Kasong pag lapas sa Presidential Decree (PD) 449 nga giamendar sa PD 1602 ang atubangon sa upat ka lalaki.
Subli nga nag pahimangno ang Albuera Police nga padayon silang mag implementar sa mga balaod kontra kriminalidad og mga illegal, national man o local. Ni Josie Sersena (EV Mail November 7-13, 2022 issue)
