PALOMPON, LEYTE – Giingon nga walay napriso sa utang pero sa lungsod sa Palompon nadunggaban ang usa ka lalaking utangan. Nakaangkon ug duha ka samad sa dughan ang ginganlan og Johnny Conejos, 46 anyos, minyo, taga Brgy. San Isidro ug empleyado sa LGU.
Ang suspek usa ka Edwin Sulla, 55 anyos, negosyanti nga residenti sa Brgy. San Juan ning lungsod. Nahitabo ang insidenti niadtong Pebrero 3 mga alas 4:00 sa hapon sa Brgy. Ipil III (likod sa Tourism Building, duol sa seawall).
Ang rekord sa Palompon Police Station nagkanayon nga gisuktan ang biktima sa iyang utang sa asawa sa suspek sa kantidad nga four thousand pesos (PHP 4,000) apan imbis mobayad ni sulti pa kinig dautan nga wala magustohi sa giutangan. Hinungdan nga gitawag sa asawa ang iyang bana og pag abot didto sa dapit nagka init ang lalis sa duha. Hangtod nga gidunggab siya (Conejos), natukmod pa sa biktima ang suspek (Sulla) nga natagak sa dagat, dayon nag dali pag ikyas. Pag respondi sa kapolisan sa pag pangulo ni PCPT Realthur Tabernero naabtan ang biktima nga nagka dugo na, unya dali nga gidala sa tambalanan sa lungsod. Samtang gipahigayon sa kapolisan ang hot pursuit operation diin didto nadakpan sa iyang pinoy-anan sa Brgy. San Juan ang suspitsado. Gikustodiya na sa Palompon Police Station si Edwin Sulla ug giandam na ang kaso batok kaniya. Ni Josie Sersena (EV Mail Feb. 6-12, 2023 issue)
